Гостивар, 23 јуни 2021 Сместувањето во ученичкиот дом во Гостивар е значително подобрено со последните вложувања. Со последното подновување, зголемен е и капацитетот што овозможува престој на близу 300 средношколци.
За текот на работите и со новите услови се запознаа заменик министерот за образовани наука Арафат Шабани, претставници од секторот за ученички и студентски стандард кои денес го посетија гостиварскиот интернат.
– Во нашата земја има 18 вакви домови и изминатиов период во нив се вложени над 50 милиони денари во набавка на инвентар. Наскоро ќе се набави и нова опрема за кујните. На тој начин значително ќе ги подобриме условите во сите домови. Задоволен сум од она што тука е направено и сакам да го пофалам тимот и директорката што го менаџираат овој средношколски дом. Тоа е одличен пример за успешно раководење, рече Шабани.
Тој потсети дека од утре почнува пријавување за сместување во ученичките и упати апел до средношколците да ја искористат оваа можност.
Гостиварскиот интернат од наесен ќе стави на располагање подновени соби, занимални, реновирани тоалети, разубавен хол, просторија за спортска рекреација
– Во нашиот ученички дом овие три години интензивно се работеше на подобрување на условите, како за учениците, така и за вработените. Женскиот дел е целосно подновен, а наскоро ќе биде и делот за сместување на машки. Инвестициите надминуваат 100 илјади евра и покрај МОН, општината, ни помогнаа и приватни компании. Работиме домаќински, во насока ова стане пристојно катче за престој. Вложуваме напори за поправка на фасадата и уредување на дворот, рече Линдихана Салаи Сулејмани, директорка на интернатот.
Конкурсот за прием на средношколци е распишан и од утре ќе почне пријавувањето на територијата целата земја. Во ученичкиот дом во Гостивар има слободни 300 места, а пријавите може да се поднесат и онлајн. згм
Коментарите се затворени.