Гостивар, 27 јуни 2022 Љубителите на класичната музика ги очекува извонредна вечер исполнета со класични арии од познати опери. Во центарот за култура во среда ќе настапи дуетот Александра Коцевска – (мецосопран) и Глигор Гелебешев – (пијано придружба) со изведба на старо класични арии.
Ова дуо составено кое го сочинуваат еминентни уметници и магистри во нивните области постои веќе 7 години. Освен со настапи и двајцата се занимаваат со педагошка работа и се вработени во ДМБУЦ Илија Николовски-Луј.
Заради нивната богата и колоритна програма, бележат многубројни концерти низ целата наша држава но и во странство.
– Во времето кога постоеле кралевите тие порачувале цели опери за служба на дворовите, но со текот на годините останале само ариите кои се изведуваат и до ден денес. Нека оваа магија од тоа време ве привлече со присуство и уживање на концертот, порачаа Гелебешев и Коцевска
Пред гостиварската публика тие ќе настапат на 29.06.2022 год. во НУЦК АСНОМ – Гостивар со почеток 19:30 часот.
Коментарите се затворени.