Гостивар, 29 јули 2022 Со потпишување на меморандумот за соработка општина Гостивар се збратими со општина Кутахја од Турција. Во иднина двете општини ќе имаат соработка на проекти од повеќе области, настани и ќе остваруваат меѓусебна соработка.
Збратимувањето беше официјализирано по посетата Алим Ишик и неговите соработници на Гостивар и приемот кај градоначалникот, Арбен Таравари
Гостите посетија повеќе места во Гостивар, како и местото каде што врз основа на потпишаниот меморандум, општина Кутахја, ќе гради летно кино.
– Тоа е неопходен проект за развој на културата на во нашиот град. Секако дека соработка со оваа општина која има развиена индустрија во сферата на производството на стакло и порцелан, може да вроди со плод и стопанствениците од таму да го донесат својот капитал и да вложуваат во Гостивар, рече градоначалникот Таравари.
Соработката помеѓу двете општини опфаќа и одржување на заеднички средби, семинари, средби, културно-спортски манифестации и меѓусебни посети најмалку еднаш годишно.
Коментарите се затворени.