Гостивар, 25 август 2022 (МИА) Гостиварското средно медицинско училиште до крајот на идниот месец ќе добие нова фасада, што ќе помогне во заштеда на енергија и создавање на попријатни услови за работа.
На почетокот на работите, покрај училишната управа присуствуваа и претставниците на локалната самоуправа и притоа информираа дека покрај енергетската ефикасност, зградата ќе добие поинаков надворешен изглед.
Работите ќе траат еден месец, а финансиските средства за овој проект ги обезбеди локалната власт.
– Со оглед на најавите за повисоки цени на струјата и енергенсите, во соработка со општина Гостивар решивме да интервенираме на фасадата и на тој начин да придонесеме за подобри услови на вработените и ученицте. Во иднина објектот ќе биде енергетски ефикасен, рече помошник директорката Дијана Бојоска на СМУ Гостивар.
Средното медицинско училиште во Гостивар е едно од најголемите образовни институции во Гостивар во која над илјада ученици следат стручна настава на три јазици: албански, македонски и турски.
Според раководителката за секторот за образование во општина Гостивар, Аслиан Снопче, која беше посета на училиштето, летниот распуст е искористен за вложување во други училишта
– Освен во средното медицинско училиште, се работи и во гимназијата, каде се менуваат прозорците. Фасада се уредува и во училиштата во Чегране и Дебреше. Во напредна фаза е и реконструкцијата на градинките. Верувам дека работите ќе се одвиваат со добра динамика, рече Снопче.
Таа потврди дека подготовките за старт на учебната година се навреме завршени, а по денешниот состанок со училишните управи ќе се договорат и поединости околу одвивањето на наставата за претстојната училишна година.
згм
Коментарите се затворени.