Гостивар, 23 февруари 2023 Три лица се лишени од слобода откако биле осомничени за недозволена сеча на дрва во атарот на Горна Бањица. Неофицијално групата исекла близу сто стебла и планирале да транспортираат и продадат како огревно дрво. Полицијата работи на расчистување на случајот.
Според СВР Тетово, полициски службеници од ОВР Гостивар, вчера (22 февруари) околу 15 часот ги лишиле од слобода Ј.С.(22) и Ф.С.(19) од Гостивар и Џ.З.(24) од гостиварска Горна Бањица.
Тројцата се сомничат дека извршиле „пустошење на шума“ во месноста „Бунар“, атар на Горна Бањица, каде биле пресечени поголем број стебла.
– Ј.С. бил фатен на самото место, а Ф.С. и Џ.З. биле лишени нешто подоцна во непосредна близина на местото. Тројцата се задржани за расчистување и документирање на случајот, наведуваат од СВР Тетово.
Пронајдените дрва и возило предадени му се на Јавното претпријатие Национални шуми-Шумско стопанство „Шар“ од Гостивар.
згм
Коментарите се затворени.