Гостивар, 13 август 2021 (МИА) Седум лица и еден малолетник ја напуштиле Македонија и покрај решенијата за карантин. За постапките може да се соочат со кривични пријави.
Од СВР Тетово информираа дека вчера полициските службеници извршиле проверка по однос на решенија издадени од Државен санитарен и здравствен инспекторат за изречени мерки домашна изолација на лица и домашно лекување и самоизолација.
-Притоа, М.С.(38) од Тетово, малолетно 16-годишно лице од Мала Речица, И.Р. од Жеровјане, А.Ј. (44) од Гостивар, С.З.(38) од Неготино-Полошко, Х.Х.(29) од гостиварско Сенокосе, С.М.(26) од гостиварско Врапчиште и А.И.(21) од гостиварско Дебреше не ги почитувале издадените решенија. Тие ја напуштиле државата и постапиле спротивно на член 206 од Кривичниот законик, наведуваат од СВР Тетово.
Исто како и во претходните случаи кои беа регистрирани деновиве, по целосно документирање на случаите против нив ќе бидат поднесени соодветни пријави.
з. г. м.
Коментарите се затворени.