Гостивар, 13 април 2022 (МИА) Три лица од гостиварско село се приведени откако при претрес на возило во кое се превезувале е пронајдена наркотична дрога (кокаин).
Од СВР Тетово информираат дека синоќа (12.04.2022) во 21.15 часот во селото Зубовце, полициски службеници од Отсекот за недозволена трговија со дрога и оружје при ОВР Гостивар ги лишиле од слобода М.С.(40), Ј.С.(39) и М.А.(43), сите од селото Калиште.
Според портпаролот на СВР Тетово, Марјан Јосифоски при преглед на возилото „фолксваген голф“, со италијански национални ознаки, во кое биле тројцата, пронајдени и одземени се 14 опаковки кокаин.
Трите лица се задржани во Полициската станица Гостивар и по целосно расчистување и документирање на случајот против нив ќе биде поднесен соодветен поднесок.
Коментарите се затворени.