263Гостивар, 27 март 2024 – Со ставањето потпис на договорите на претседателите на политичките партии Демократската унија за интеграција и Демократската партија на турците во Македонија, денес во Гостивар беше официјализиран коалицискиот договор за настап на претстојните избори.
Али Ахмети, лидерот на ДУИ на прес конференцијата во центарот за култура АСНОМ, го оцени како историски чин на соработка која како што рече ќе трае и по изборите.
– Овој фронт ќе биде не само за една употреба, само за изборите, за претседателските и парламентарните избори од 2024 година, туку ќе биде вечен затоа што интересите се заеднички. Ќе се уверите дека ќе биде повеќе од политика, ќе биде братска соработка. Ова е најголемата поврзаност меѓу двата народи, двете нации, напомена Ахмети.
Првиот човек на ДПТМ Бејџан Илјаз обраќајќи се на турски и албански јазик напомена дека потпишувањето на договорот во Гостивар е потврда на мултиетничкиот дух кој владее во овој град.
– Потпишувањето на договорот на виделина ја вади причините кои обединуваат, а не тие што разделуваат. Денес сме тука за подобрата иднина на нашата земја. Карактеристиките на овие партии кои се во овој фронт се нивното искуството и придонес во најважните моменти за земјата. Се надевам дека оваа коалиција ќе биде профитабилна за нашата европска иднина, рече Илјаз.
Лидерот на ДУИ Ахмети на новинарско прашање околу можното коалицирање со Зијадин Села од Алијанса за албанците и нивните очекувања за петмина пратеници, како предуслов тој одговори не се работи за бројки туку за пошироко делување.
– За мали нешта големите проекти не ги ставаме во ризик. Овде не станува збор за бројки, туку станува збор за филозофија, за визија и за иднина, рече Ахмети.
Илјаз на новинарско прашање дали претходно се разговарало со СДСМ и каква понуда добил од ДУИ, појасни дека претходно имало неколку средби со други политички субјекти.
– Предлогот на овој фронт и пружената рака на Али Ахмети беа најискрени. Не е многу важна позицијата или договорите, дека се зборува за позиции, но можам да нагласам дека во моментов како партија ги имаме најдобрите позиции во нашата историја, рече лидерот на ДПТМ Бејџан Илјаз.
И двајцата лидери во изјавите напомнаа дека очекуваат победи на претстојните избори.
Коментарите се затворени.