Таљат Џафери: На овие избори се избира власт која ќе даде правец во кој земјава ќе оди по изборите

Гостивар, 24 април 2024 – Техничкиот премиер Талат Џафери, оценува дека овие избори се од особено значење особено, бидејќи се избира власт која ќе даде правец во кој земјава ќе оди по изборите.

Тој гласаше во родното село Форино од каде порача дека денеска граѓаните го користат своето уставно и законско право за слободно изразување на својата волја, низ процес на гласање. Тој оцени дека овие избори се од особено значење.

– Значењето на овие избори е особено и поради фактот што ова не се избори со коишто ќе се добие нова власт или кој ќе биде носителот на власта, туку е битно во кој правец земјава ќе оди после изборите. Во крајна инстанца тоа е слобода на волја, ние сите сме должни тоа да го обезбедиме за граѓаните и јас сум убеден дека тоа така ќе биде до крајот на денот, рече Џафери.

Според премиерот Џафери учесниците во изборниот процес и во предизборната кампања, успеале да допрат до волјата на граѓаните да ги убедат по однос на определбите на секој од нив, програмските определби.

Според Џафери, од почетокот на денот, првите информации што ги добил е дека изборите течат нормално без никаков проблем.

– На сите избирачки места отпочна процесот на време и тече онака како што е предвидено и со закон, и како што би требало да биде. Тоа е апел да продолжи во текот на денот во ваквиот ритам, мирно без никакви проблеми, без никакви влијанија, да можат граѓаните да ја изразат својата волја, рече Џафери.