Општината и парламентот повторно ќе ги отворат пратеничките канцеларии

Гостивар, 29 ноември 2024 – Претседателот на Собранието, Африм Гаши најави дека започнува процес за повотрно активирање и отворање на пратеничките канцеларии за средби со граѓаните. Тој кажа дека од Гостивар ја започнува серијата посети на пратеничките канцеларии низ земјава. Според најавите, пратениците Дафина Стојаноска, Имрлије Салију, Халил Снопче, Таљат Џафери и Саранда Имери ќе може да ги користат просториите предвидени за оваа намена.

– Тој проект е долгорочен, но не можеме никако да го затвориме и мислиме дека ни треба една сензибилизација. Затоа почнуваме од Гостивар. Доаѓаме со градоначалниците да разговараме, да им овозможат на пратениците да имаат канцеларии, за да можат граѓаните да се сретнат со пратениците, да разговараат, да дебатираат, да ги прашаат. Тоа е многу битно за нашиот демократски процес. Сакаме Собранието да го донесеме како институција до граѓаните, рече Гаши по средбата со градоначалникот на општина Гостивар.

Во разговорите со првиот парламентарец, вд градоначалникот Ваљбон Лимани посочи дека се работи на надминувањето на проблемот со снабдувањето со електрична енергија во канцелариите во текот на идниот месец.

– По оваа средба ќе започнеме со решавање на проблемот и во догледно време ќе овозможиме канцелариите за паметниците да станат функционални и да се овозможат средбите на граѓаните со пратениците од оваа зона, рече Лимани.

Пратеничката Стојаноска кажа дека во повеќе наврати се обидувала да се реши проблемот и просторот да стане функционален, но како што напомена не наишла на разбирање кај одговорните во ЕВН.

Преку иницијативата „Мој пратеник“ на призмјето во заградата во која е сместена локалната самоуправа има четири канцеларии наменети за средби помеѓу пратениците и граѓаните, но тие подолго време не функционираат заради неплатени сметки за струја. Гостиварските пратеници кои се сретнаа со собранискиот спикер добија уверување дека и тој ќе се заложи за надминување на проблемот.

Претседателот на собранието при неговата работна посета на Гостивар, беше во ООУ „Исмаил Ќемали“ и присуствуваше на петочната молитва во „Саат џамија“.