Гостивар, април 2021 Годинешната програма за пошумување, вработените во ЈП „Национални шуми“ ја започнаа во атарот селото Дебреше. На површина од еден хектар денес се засадија една илјада багремови, дабови и садници од црн бор. Во акцијата се приклучи и заменик директорот на НП „Национални шуми“, Берат Дехари кој ја истакна важноста од заштитата на шумите од која најмногу корист има локалното население.
– Правилното и ефикасно одржување и управување со шумите, главно преку нивна ревитализација е од суштинско значење за намалување на потенцијалните негативни влијанија врз животната средина, рече Дехари.
Тој најави дека пошумувањето кое ќе се спроведува на територијата на општините Гостивар и Врапчиште до есен ќе бидат засадени околу 12 илјади нови садници. Дехари упати и апел до граѓаните од овој регион да помогнат во заштитата на шумите и побара да се пријават каква било злоупотреба или незаконско сечење шуми.
Првиот човек на шумско стопанската единица на Шар-Гостивар, Милорад Андријески, посочи дека жителите на Дебреше знаат како да се грижат и да ја заштитат шумата, а ова пошумување ќе биде успешно.
Шумите кои се на околу 25 илјади хектари и со кои стопанисува ШСЕ Шар-Гостивар го покриваат 8 шумочувари, а во блиска иднина се очекува оваа бројка да се зголеми за двојно.
згм
Коментарите се затворени.