Гостивар, 16 октомври 2021 Гласањето на Локалните избори 2021 започна со изјаснувањето на болните, немоќните и лицата со Ковид-19 и во самоизолација чии пријави се прифатени од општинските изборни комисии.
На територијата на општина Маврово-Ростуше денеска гласаа 36 лица.
Во општина Гостивар комисијата ги одобри барањата на 145 лица од претходно пријавените 179 граѓани. Во ОИК Врапчиште правото на глас го искористија 16 немоќни и еден гласач кој е во карантин.
Во рамки на подготовките за утрешниот ден, од ОИК Гостивар потврдија дека планираната дезинфекција на избирачкиот материјал и на избирачките места е во целост спороведена и дека условите за гласање се обезбедени.
Коментарите се затворени.