Таравари: Без разлика кој за кого гласал навечер ќе ја славиме победата на гостиварци

Гостивар, 17 октомври 2021 (МИА) Кандидатот за градоначалник од коалицијата Алијанса за албанците и Алтернатива, Арбен Таравари очекува изборниот ден да помине во најдобар ред. По гласањето тој упати порака до граѓаните:

            – Исто како и другите граѓани, денес ја исполнив мојата граѓанска обврска и дојдов да гласам со моето семејство. По една релативно коректна и добра кампања очекуваме резултати коишто ќе бидат еден печат што го даваат граѓаните. Гледам дека изборниот процес се одвива релативно стабилно со мали исклучоци на инциденти. Се надевам дека така и ќе заврши овој ден. Нека победи оној што ќе добие поголема поддршка од граѓаните. Мислам дека Гостивар заслужува добро раководење, чесни луѓе и чесна екипа за раководење на општината. Во едно сум сигурен, без разлика кој за кого гласал, навечер ќе славиме сите заедно, бидејќи победата ќе биде на гостиварци, изјави Таравари.