Во пресрет на мајската промоција на новиот албум, Ris Flower за прв пат се појавува со песна на македонски јазик – преработка на „Сите Мои Слики“. За љубителите на македонската музика ова е своевидно освежување кое веќе е на програмата на Radio G.
Артистот кој во јавноста се претставува како Ris Flower, заедно со својата екипа од Турција и Велика Британија, на 23 години по првичното објавување, направи „cover“ – преработка на еден од хитовите на Ареа – „Сите мои слики“.
Новиот звук на последната верзија на „Сите Мои Слики“ е постигнат во соработка со светски мајстори на својот занает и има свеж, модерен звук.
„Огромно задоволство, но исто така предизвик и одговорност беше да се преработи песна која е буквално химна на многу генерации. Чест ми е што добив одобрување од членовите на „Ареа“ за преработка на овој хит, вели Ris Flower.
Тој напоменува дека музиката на оваа група, а посебно песната „Сите Мои Слики“ имала големо влијание на него како автор. Па, затоа во пресрет на албумот кој треба да излезе оваа пролет, решил да направи и со тоа да изрази благодарност кон македонската музика и нејзиното влијание
Ris Flower на овој проект соработува со продуцентот Мустафа Чанбазлар и Џон Дејвис од Метрополис студио во Лондон, мастеринг инженер на The Killers, Gorillaz, Dua Lipa, Led Zeppelin, Lana Del Rey, U2, Blur, Nick Cave и многу други.
Инаку, продуцент и аранжер на новата снимка е Мустафа Чанбалзар, миксот на Арикан Сарикаја, мастерингот на Џон Дејвис – „METROPOLIS STUDIO“ – а материјалот е сниман во студио: „STUDIO ARI“ – Истанбул. За новиот сингл на Ris Flower со преработката на „Сите мои слики“ снимен е и видеоспот кој го изработи Давид Михајлов
Коментарите се затворени.