Гостивар, 9мај 2023 (МИА) Лицето кое беше лишено од слобода под сомнение дека извршило разбојништво во селото Градец од синоќа е во притвор.
Од СВР Тетово информираат дека судија во претходна постапка на Основниот суд Гостивар, синоќа му определил мерка притвор од 30 дена на Б.Х.(29) од гостиварски Градец.
-Тој се сомничи дека вчер на 7мај извршил разбојништво во спортска обложувалница во Градец и заканувајќи им се со остар предмет на вработените им одзел пари, а оштетил и дел од инвентарот во внатрешноста на објектот, наведуваат од СВР Тетово.
Истата вечер, околу 21:20 часот, Б.Х. лишен е од слобода од полициски службеници на ОВР Гостивар и задржан во Полициската станица Гостивар. При лишувањето пронајдени му се одземените пари од обложувалницата. Тој спроведен во КПУ Затвор Скопје за издржување на мерката.
Коментарите се затворени.