Гостивар, 11 септември 2024 (МИА) – По тензиите кои настанаа околу состојбата со уредувањето на земјиштето околу црквата Св. Петка во атарот на селото Галате, жителите синоќа одржаа состанок. Во известувањето тие посочуваат дека се оградуваат од настаните и ќе продолжат да комуницираат со општината и останатите институции за да се реши случајот.
По состанокот бил донесен заклучок кој треба да води во насока решевање во соработка со надлежните институции и во законска постапка. Тие сметаат дека единственото решение за надминување на проблемите кои настана со акцијата за уредување на дворот и земјиштето околу црквата Св. Петка, во месноста „топли извори“ во атарот на Галате.
Во кусата информација до јавноста која ја доставија по телефон до дописникот на МИА тие наведуваат:
– Населението од Галате се оградува од настанатата ситуација во врска со црквата Св. Петка. Во Галате и општина Врапчиште како месно население нема да дозволиме меѓуетнички тензии и верска омраза затоа што досега ниту имало нешто такво, ниту ќе има во иднина. Сите несогласувања и проблеми треба да се решаваат на мирен и законски начин, без поттикнување на омраза и тензии“, се наведува во известието од населението од Галате.
Тие уште еднаш повикаа на смиреност и да не се шират невистини кои на ваков начин им штетат на соживотот и соработката со локалната самоуправа.
Коментарите се затворени.