Гостивар 20 декември 2024 – Училишната управа и учениците вечерва организираа предновогодишна забава на која им се придружија и деветтоодделенците од основните училишта во Гостивар. Овој настан кој се одржа во холот на средното техничко училиште (О.С.Т.У. Гостивар) беше исполнет со музичка програма и меѓусебно дружење.
Забавата започна со настап на училишниот бенд, а веселата атмосфера ја дополни ди-џејот Дани, кој со неговиот сет придонесе забавата да прерасне во незаборавна журка за сите присутни.
Посебно внимание привлече и точката „Secret Santa“ на која учениците разменија подароци со што додадоа посебна магија на настанот. Празничната атмосфера беше дополнета со лотарија и новогодишниот хуманитарен базар на кој беа изложени изработки, дело на учениците. Средствата собрани од продажбата се наменети во хуманитарни цели, со што учениците и професорите ја истакнаа нивната солидарноста.
Оваа забава, покрај забавниот дел ја направи и попријатна „домаќинската понуда“ од храна и пијалаци. Организаторите изразија голема благодарност до сите ученици, професори и гости за учеството и поддршката.
– Оваа забава претставуваше совршен начин да се заокружи годината, со надеж дека хуманитарниот дух и позитивната енергија ќе продолжат да ги инспирираат сите и во новата година. О.С.Т.У Гостивар ви посакува среќна и успешна 2025-та година, наведуваат од училиштето.
Како помина забавата и за атмосферата може да видите низ фотографии и видеа на овој линк
https://www.facebook.com/groups/635775916502556
Коментарите се затворени.