Гостивар, 24 јануари 2025 – Претставниците на двете најбројни религиозни заедници имаа средба со градоначалникот на општина Гостивар. Тема на разговор било унапредување на меѓукултурната и меѓурелигиската соработка.
Градоначалникот Лимани преку Фејсбук-профилот информираше дека во неговиот кабинет имал средба со гостиварскиот муфтија Сабахудин еф. Зендели и митрополитот на тетовско-гостиварската епархија г. Јосиф.
Тој истакна дека му е посебна чест што ги пречекал претставниците на МПЦ и ИВЗ и посочува дека Гостивар е пример на меѓуетничка и меѓурелигиска толеранција.
– Во фокусот на средбата беа заедничките активности кои дополнително ќе придонесат за унапредување на меѓукултурната и меѓурелигиската соработка, стои во објавата на вд градоначалникот Ваљбон Лимани.
Коментарите се затворени.