Гостивар 26 јануари 2025 – Од вчера, гостиварските социјалдемократи имаа нов лидер. Со симболичното примопредавање на функцијата во просториите на ОО СДСМ Гостивар, на местото на д-р Игор Велјаноски, дојде Бојан Зафироски. Во објавата на Фејсбук-профилот на ОО СДСМ Гостивар се искажува благодарност до претходниот, а на новиот успех во раководењето со организацијата.
– Во оваа прилика сакаме да изразиме голема благодарност на досегашниот претседател за несебичниот ангажман, целосната посветеност во периодот во кој беше на врвот на партијата и придонесот во еден чувствителен период за неа. На новиот претседател Бојан Зафироски, долгогодишен член, активист и наш добар другар, му посакуваме успешен мандат, мудри одлуки, многу добиени битки и враќање на партијата на победнички патеки, стои во објавата.
Од општинската организација на СДСМ напомнуваат дека претходно во ноември бил распишан оглас за кандидирање и избор на кандидати за претседатели на повеќе општински организации и изборот завршил во саботата, кога претседателот Венко Филипче го назначи новиот лидер.
Бојан Зафироски е роден 1986 година, тој е магистер по правни науки, семеен човек, живее и работи во Гостивар.
Коментарите се затворени.