Од сообраќај исклучени 14 технички неисправни возила

Гостивар, 9 март 2021 (МИА) Полицијата санкционирала 14 возачи и ги исклучила од сообраќај заради неисправни сопирачки и системи за управуавње додека возеле по полошките сообраќајници.

            Според СВР Тетово, вчера (8 март) од 9 до 13 часот, на подрачјето на СВР Тетово била спроведена засилена акциска контрола за техничка исправност на возилата. При контролата биле откриени и санкционирани 14 технички неисправни возила (4 на тетовското и 10 на гостиварското подрачје).

            Наjмногу од неисправните – 9 возила (ТЕ-3 и ГВ-6) имале неисправни сопирачки, кај 3 (ГВ) констатирана е неисправност на уредот за управување и други недостатоци. Возилата биле исклучени од сообраќај, вели Марјан Јосифоски портпарол на СВР Тетово. 

            При контролата, исто така, санкционирани се 3 возачи (ТЕ-1 и ГВ-2) кои ги управувале возилата без дозвола, 1 возач-почетник поради непочитување на законските ограничувања и 9 други видови прекршоци на возачи.

            Регистирани биле и непочитувања на правилата за паркирње на возила. Санкционирани се сопственици на 15 непрописно паркирани возила (ТЕ-4 и ГВ-11). На сите прекршители изготвени им се соодветни поднесоци и зависно од видот на прекршокот ќе се соочат со парични глоби од 45 до 400 евра во денарска противвредност.

з. г. м.