МЕСТО ЗА ВАШАТА РЕКЛАМА

Radio G

Gostivar

За непропуштање пешаци казнети 116 возачи и 398 лица кои минувале улица надвор од пешачки премин

Објавено на: 23.11.2022 во 11:40

Гостивар, 23 ноември 2022 –  Од почетокот на годината на гостиварското подрачје вкупно се изречени 117 мерки за недавање предност, односно за непропуштање на пешаци, најчесто на обележани пешачки премини. На сите возачи-прекршители изготвени им се соодветни поднесоци и зависно од видот и карактерот на прекршокот ќе се соочат со парични глоби од 150 до 250 евра во денарска противвредност.

Изминативе девет месеци биле изречени и 398 мерки, претежно за преминување на улиците надвор од обележани пешачки премини или за непочитување на светлосна сообраќајна сигнализација. На овие граѓани им се изготвени поднесоци, а паричните глоби за ваквите прекршоци предвидени во Законот за безбедност на сообраќајот на патиштата се движат од 30 до 50 евра во денарска противвредност.  Дел од пешаците се повикани и на таканаречена сообраќајна поука.

Од СВР Тетово упатуваат апел до возачите секогаш и секаде да им даваат првенство на пешаците, а тие,пак, да се придржуваат на сообраќајните правила и прописи и да не ги преминуваат улиците каде ќе стигнат. На тој начин и едните и другите ќе придонесат за поголема безбедност на пешаците и за намалување на бројот на сообраќајни несреќи со повредени или загинати.