Средба Ковачевски – Таравари: Владина поддршка за општините за подобар и подостоинствен живот за сите наши граѓани

Гостивар, 27 февруари 2023 (МИА) – Претседателот на Владата на Република Северна Македонија, Димитар Ковачевски оставри средба со со градоначалникот на Општината Арбен Таравари при неговата посета и предавањето на клучевите на корисниците на социјалните станови.

Премиерот и градоначалникот разговараа за предизвиците со кои се соочува Општина Гостивар и за важноста на поддршката која што Владата ја дава за стабилизирање на општините за успешно да ги извршуваат законските надлежности и да обезбедат квалитетни услуги за граѓаните.

 – Владата гради објективен, правичен, транспарентен и одржлив систем за финансиско воедначување на општините. Целта на Владата е на граѓаните да им се обезбедат квалитетни услуги и пристап до истите без разлика каде живеат, е еден од заклучоците по средбата.

Ковачевски истакна дека за Владата е најважно да обезбеди просперитетна иднина за сите граѓани, бидејќи тие заслужуваат да живеат во земја членка на ЕУ.

Ковачевски и Таравари на состанокот уште еднаш ги потврдија заложбите за окрупнување и здружување на сите прогресивни политички партии кои што се за пристапување на Северна Македонија во ЕУ.

згм