Гостивар, 31 јули 2023 – Со изложби, демонстрации на наученото и доделување на сертификати за учество, во паркот пред општинската зграда, беше означено завршувањето на манифестацијата „Летна школа 2023“. Учениците од основните училишта од општина Гостивар изминативе четири недели посетуваа курсеви и следеа содржини од повеќе области (музика, спорт, образование, уметност) по програма што ја подготвија професионални едукатори.
На свеченото свеченоста по повод завршувањето на активностите присуствуваше и градоначалникот на општина Гостивар, Арбен Таравари и искажа задоволство од одзивот и постигнатото. По четири недели работа, посветеност, учење, активност и забава, денес заврши Летната школа за 2023 година.
– На ова второ издание на летната школа се пријавија околу 500 ученици кои учење, активност и забава ги водеа професионални ментори. Се надевам дека летната школа ќе остане традиција и ќе се одржува и понатаму, рече градоначалникот Арбен Таравари, кој лично им се заблагодари на менторите кои беа ангажирани.
Летната школа има за цел да ги ангажира децата за време на летниот распуст и да ги открие младите таленти во градот во различни области и да овозможи поголемо дружење на децата.
Коментарите се затворени.