ОК ВМРО ДПМНЕ Гостивар: 200 ученици помалку во второто полугодие во Гостивар, СДС носи порази и осиромашување (ВИДЕО)
Гостивар, 7 март 2024 – Претседателот на ОК ВМРО ДПМНЕ – Гостивар, Гоце Димовски во видео обраќање се осврна на актулните состојби со иселувањето и последиците од економските политики кои ги спроведува актуелната власт.
Го пренесуваме неговото обраќање во целост и видеото објавено на фејзбук профилот на ОК ВМР ДПМНЕ Гостивар.
Почитувани,
Во последните неколку години во Македонија се случува масовно иселување. Иселувањето за жал не го изостави и Гостивар, каде што согласно официјалните податоци, само во второто полугодие на оваа учебна година, бројката на ученици во училиштата на територија на Општина Гостивар е намалена за околу 200 деца, а главната причина за отпишување на децата е заминувањето во странство.
Согласно официјалните податоци, дури 600000 сограѓани во Македонија живеат со под 150 денари на ден, додека пак 80000 од нив живеат во апсолутна сиромаштија со по 80 денари на ден. Тоа значи дека овие луѓе имаат потешкотии да си ги обезбедат и основните потреби за живот, како што е храната и лековите. Неможноста да обезбедат основни потреби за своите семејства, граѓаните спасот го бараат исклучиво надвор од Македонија.
За жал ова се последиците од животот за сите, кој го ветуваше СДС. Наместо живот за сите, како што ветуваа, денес во Македонија имаме општа сиромаштија, нефункционални институции и распространета корупција.
Македонија со СДС на власт само осиромашува и се празни. Во Македонија никогаш не се живеело полошо, затоа важно е да ги поразиме!
ОК ВМРО-ДПМНЕ Гостивар
Коментарите се затворени.