Одземено возило, младиот возач немал положен возачки испит

Гостивар, 5 февруари 2026 – Полицијата одзела „опел“ што го управувал млад возач. При проверката било утврдено дека немал возачка дозвола. Возилото е одземено, а возачот проведен во полициска станица, информира Фатмир Реџепи, портпарол на СВР Тетово.

На 04.02.2026 во 15:20 часот на ул. „Браќа Ѓиноски“ во Гостивар, полициски службеници од ОВР Гостивар го лишија од слобода А.М.(18) од с.Падалиште, гостиварско.

– При контрола во сообраќајот, полициски службеници запреле патничко возило „опел“ со гостиварски регистарски ознаки, управувано од А.М. и по извршени проверки е констатирано дека го управувал возилото без положен возачки испит. По добиени насоки од јавен обвинител, А.М. е лишен од слобода, а возилото е одземено и врз основа на член 297-а од Кривичниот законик ,,безобзирно управување на моторно возило“, ќе биде поднесена соодветна пријава, рече портпаролот Реџепи.