Мајсторка во Гостивар: КК Шар Планина во одлучувачка битка за пласман во повисок ранг (видео)

Гостивар, 2 април 2026 – Сабота е ден за кошарка. На паркетот во спортската сала „Младост“ третолигашот КК Шар Планина ќе го игра најзначајниот натпревар оваа сезона. Во рамките на плеј-офот од Третата кошаркарска лига, по два одиграни со директниот конкурент КК Винеам-Виница, следува одлучувачкиот трет натпревар кој ќе го одреди патникот во следната фаза и влез во натпревари од повисок ранг. По два одиграни натпревари, резултатот е меѓу двете екипи е израмнет што следува „мајсторка“.

Раководството на КК Шар Планина, како домаќин на овој клучен натпревар, ги повикува сите љубители на кошарката, навивачи и поддржувачи да дојдат во салата „Младост“ и да бидат „шестиот играч“ на тимот. Натпреварот е закажан за 18:00 часот, а влезот е бесплатен.

– Ова е моментот за кој трениравме цела сезона. Резултатот е 1:1 и знаеме дека противникот е сериозен, но веруваме во нашиот квалитет. Предноста на домашниот терен не значи ништо без поддршката од трибините. Ги повикуваме сите наши сограѓани да дојдат во сабота, да навиваме фер и коректно и заедно да се радуваме на победата, порачуваат од таборот на КК Шар Планина.

Доколку ја прејдат оваа препрека, гостиварци обезбедуваат реални шанси за влез во Втора лига.